Deskuñesidu Oho Estudante Unpaz Ida Iha Delta 3 Comoro

Smnewstl.com Media online-Sabado madrugada ne’e komunidade iha Delta tolu (3) Comoro Dili hakfodak hare sira nia sidadaun ida ne’ebe ema oho mate iha oras tuku sanulu resin rua ho balun madrugada.

Tuir kronologia husi vizinho haktuir katak, Matebian Fitalisio Soares, ba hader aifunan iha mate uma ida no fila mai uma ho kolega sira tama ba uma toba tia, no nia sai fali mai iha liur maka hetan baku husi ema.

“Ami rona ema hakilar, entaun ami sai hare, maibe nia mate ona. Ami konsege lori halai to’o Hospital Nacional Guido Valadares, maibe la konsege salva,”haktuir familia Sergio Alves da Costa

Nia sublinha, matebian Fitalicio Soares moris iha Abere-Luro, Postu Administrativu Luro Munisipiu Lautem.

Matebean hala’o nia estudu iha Universidade da Paz, Faculdade Economia no Departamentu Jestaun ne”ebe Gradua ona iha tinan kotuk.

Ligado ho akontesimentu tuir reasaun husi parte familia ne’ebe SMNews asesu liu husi pagina privado ho naran kumpletu Sergio Delekuar haktuir, parte familia ne’ebe mos hanesan Luro oan sente triste tebes.

“Ami Luro Oan triste tebes. Ohin ema deskuñesidu oho ami nia belun, maun no kolega diak ne’ebe simples, humilde no kalma, nunka envolve iha problema ruma.

Tamba sa’a Ita ho ita Timor oan tenki nafatin baku malu, estraga malu no oho malu iha rai ida be ema sosa ruin ho ran ida ne’e”.

Tansa ita moris iha liberdade, maibe ita la respeitu ema seluk nia liberdade sirkulasaun hodi trava ema no hakotu ema nia vida.

Tansa ita lahatene respeitu dignidade moris ema seluk nian, respeitu direitu moris ema seluk nian. Timor-Leste Tanba Sa Injustisa ida ne’e sei Nafatin Mosu iha rai ne’e. Enkuantu ita opta Estadu de Direito no Demokrátiku.

Ba aktu ne’e sira rekomenda ba PNTL no PCIC atu buka tuir Suspeitu sira nune’e bele responsabiliza iha justisa.

Mate isin dadaun ne’e sei iha hela Hospital Nacional Guido Valadares Dili. Enkuanto to’o SMNews publika, parte policia seidauk aprezenta pozisaun. (Rio)