Covid-19: Kazu Rekuperadu 173, Mate Na’in-2

Smnewstl.com 16-09-2021 (Dili) – Sala situasaun Sentru Integradu Jestaun Krize (SIJK) rejista kinta-feir ohin, kazu detetadu foun Covid-19 hamutuk 70, rekuperadu 173 no óbitu (mate) na’in-2.

Tuir komunikadu imprensa ne’ebé Semnewstl.com asesu husi sala situasaun SIJK ohin relatan, kazu detetatu foun ne’ebé relata hamutuk na’in 70, iha Dili 35, RAEOA 18 no munisipiu seluk hamutuk 17.

Totál kazu rekuperadu ne’ebé ralata hamutuk 173, total kazu ativu 1.995, kazu konfirmadu kumulativu ne’ebé sura husi 21 Marsu 2020 to’o loron 16 fulan setembru tinan 2021 hamutuk 18.856, enkuantu kazu óbitu (mate) rua mane hotu.

No husi totál kazu detetadu ohin mane hamutuk 37 no feto 33, husi númeru ne’e, husi idade tinan 6 to’o tinan 60. No husi númeru refere mós 34 kazus ka 48,5% maka sintomátiku (hatudu sintomas).

Husi kazu detetadu foun ohin, 22 (31%) iha ona vasina kompletu & 8 (11%) hetan ona vasina doze dahuluk.

Entretantu, husi horiseik to’o ohin, hamutuk hotu Laboratóriu Nasionál Saúde halo teste PCR bá amóstra iha munisípiu Dili hamutuk 244, no mós ho detalles hanesan, vijilánsia sentinela 23, rastreiu ba kontaktu (Contact tracing) 13, rastreiu Aleatóriu (Random Screening) 50.

Viajen sai husi serka sanitária Munisipiu Dili hamutuk 155, viajen internasionál laiha 0 no Follow up iha quarentena hamutuk 5.(ant)