Bebe Husi Ermera Ne’ebe Moris ho Kondisaun Laiha Espasu Soe ‘Foer Bo’ot’ Fila Hikas Fali ba Aman Maromak

Smnewstl.com, 12-09-2021(Dili)-Bebe mane ida ne’ebe moris ho kondisaun laiha espasu soe foer bo’ot (kidun tomak) fila ona ba aman maromak nia kadunan santo Domingo ne’e iha Hospital Nacional Guido Valadares Dili.

Ho matawen Rudianos Anoit Martins, aman bo’ot husi bebe refere ba SMNews via telefone informa, esforsu hotu sira halo, maibe palnu nai maromak oin seluk, tamba ne’e maske todan maibe nafatin simu realidade.

Anju oan ne’e lori hikas ba halo’ot fali deit iha rai horik fatin, Municipio Ermera.

Kronologia husi anju oan nee mak hanesan publika ona katak, moris deit iha rezidensia Aldeia Hatuposi, Suco Ponilala, loron 20 Agosto 2021.

Anju refere konsiderado moris la normal tamba laiha kondisaun ba soe foer bo’ot (kidun tomak).

Ho kondisaun ne’e, familia deside lori ba Hospital referal Gleno, hafoin parte dotor rekomenda hikas fali ba iha Hospital Nacional Guido Valadares Dili, maibe la konsege salva nia vida, maske konsege duni halao operasaun husi parte dotor espesialista.

Pozisaun husi anju oan nia inan Madalena de Jesus maka hanesan ona haktuir katak, sente triste hare oan mane ida ke moris ho kondisaun la normal hanesan ho labarik sira seluk.

“Hanesan inan, hau hasae deit orasaun ba aman maromak atu haraik netik grasa nunee ami nia oan bele rekopera no saudavel (normal) hanesan oan sira seluk,”nia husu.

Maske esforsu hotu halo, maibe planu nai maromak nian oin seluk, nune’e ohin Domingo, (12-09-2021), sira translada hikas fali deit ba halo’ot iha Ermera. (Rio)