Autoridade Atambua Deside Deporta Fila Timoroan 113, TL Agradese

SMNewstl.com (Atambua)– Autoridade Atambua Indonézia kompostu hosi Polisia, Servisu Migrasaun koordena ho Governu Timor-Leste liu hosi Konsuladu Timor-Leste iha Atambua departa ona Timoroan nain 113 fila mai Dili, Timor-Leste.

Desizaun Governu Atambua Indonézia hodi deside abitante membru Organizasaun Persaudaraan Setia Hati Terrate (PSHT) sira fila hodi koopera luta prevene hasoru surte COVID-19, hafoin halao enkontru durante loron tomak iha Polres Atambua, tersa (10/08/2021).

Prosesu deportasaun hodi hahú tula abiante sira nee hosi áreadores Polres Atambua mai Fronteira Motain-Batugede halao iha oras 3:00 OTL, hetan seguransa masimu hosi autoridade seguransa Indonézia, Servisu Migrasaun.

Prosesu deportasaun nee akompaña direita hosi hosi Konsuladu Timor-Leste ba Atambua Indonézia, João Simão Sousa, , Komandate Servisu Iinvestigasaun Kriminál Nasionál(SIKIN), Superintendente Xefe, José Neto Moc, Segundu Komandante PNTL, Munisipiu Bobonaro, Superintendente, António Mauluta , Komandante Unidade Polisia Fronteira (UPF), Superintendente Xefe, Euclides Belo, Komandante Servisu Migrasaun Batugade, no membru Servisu Migrasaun Postu Integradu Batugade, Batalliaun Orden Públika (BOP) no autoridade munisipiu Bobonaro.

Tuir informasaun neebé smnews.tl.com rekolla hosi hosi Konsuladu Timor-Leste iha Atambua hatoo agradese ba kooperasaun servisu ho Governu Atambua Indonézia nee koopera diak hodi deside Timoroan hirak nee fila mai Timor-Leste.

Abitante hirak nee hamariik formatura lao hosi areadores Postu Seguransa Motaain mai Postu Integradu Batugade hodi sumbete kedas ba teste hodi halibur iha fatin Kaurentena Batugade hodi halo identifikasaun.

Tuir planu, abitante hirak nee sei transporte kedas mai Dili ohin kalan hodi hela iha fatin kuarentena sira neebé Governu Timor-Leste prepara iha Dili.

Abitante hirak nee sei hela iha kuarentena durante loron 14 remata, parte Komandu PNTL sei halo investigasaun hodi kriminaliza abitante hirak nee tanba kontra regra Estadu Emerjensia (EE) hodi hakat sai hosi Timor-Leste ba Indonézia ilegalmente. (**)