AP Aproveita Jogu Copa Europeia Entre Iglatera vs Denmark Halo Violasaun Sexual Hasoru Oan Hakiak

Smnewstl.com Media Online-Komando Policia Nacional Timor Leste liderado Faustino da Costa, Kinta Feira lokoraik asegura mane ida ho inisial AP, iha Esquadra Vera-Cruz, Municipio Dili tamba diskumfia halo violasaun sexual hasoru nia oan hakiak.

Tuir kronologia ne’ebe SMNews asesu komfirma katak, kazu ne’e akontese iha Suco Dare, Posto Administrativo Vera Cruz, Municipio Dili, loron 7 fulan Julho tinan ne’e, maizumenus oras tuku tolu ho balun madrugada.

Momentu neba, suspeitu AP hanesan aman hakiak tula vitima inisial MMS sai husi uma ho motorizada diresaun ba asiste jogu meus finais entre Inglatera ho Denmark, iha area balun iha Suco Dare nia okos.

To’o iha dala klaran laos fali ho intensaun asiste jogu, maibe diskumfia AP aproveita biban ne’e hodi ubriga halo tia relasaun sexual ba vitima MMS hanesan oan hakiak ne’ebe nia idade foin mak 15 anos.

MMS ne’ebe la simu aktu inmoral husi aman hakiak ne’e hato’o kedas ba familia nune’e kordena ho autoridade lokal, Konselhu Policia Komunitaria aprezenta keixa ba iha Policia Esquadra Vera-Cruz.

AP ne’ebe hafoin akontesimentu maske koko halai ses husi lokal de krime, maibe liu husi Konselho Policiamentu Komunitaria konsege kaptura nune’e dadaun ne’e sulan ona iha sela Komando Policia Municipio Dili durante oras hitu nulu resin rua molok submete ba primeiro interogatorio iha Tribunal Distrital Dili.

Enkuanto vitima rasik tuir informasaun dadaun ne’e asegura ona iha uma mahom balun iha Dili hodi hein prosesu kontinuasaun tamba ho minoridade. (Rio)