Smnewstl.com, Dili, 26 Outubru 2026 — Governu Timor-Leste avalia progresu preparasaun institusionál no infraestrutura nasionál atu asegura organizasaun Presidénsia ASEAN 2029, liuhusi Reuniaun Interministeriál ASEAN 2026, ne’ebé lidera husi Primeiru-Ministru Kay Rala Xanana Gusmão, iha Ministériu Negósiu Estranjeiru no Kooperasaun (MNEK), Dili.

Ministru Negósiu Estranjeiru no Kooperasaun, Bendito dos Santos Freitas, hateten katak reuniaun ne’e foka ba avaliasaun preparasaun iha área rekursu umanu, kapasidade institusionál, diplomásia no lojístika, atu identifika servisu sira ne’ebé presiza kontinua hala’o molok Timor-Leste asume responsabilidade nu’udar prezidente ASEAN iha tinan 2029.

Lee Mós:
Angola Entrega Prezidénsia Rotativa CPLP Bá São Tomé e Príncipe
ADVERTISEMENT
SCROLL FILA BA NOTISIA


Nia esplika katak,reuniaun interministeriál dala-tolu ne’e mós sai oportunidade,atu avalia progresu husi ministériu no subkomité sira ne’ebé envolve iha preparasaun, inklui implementasaun desizaun sira ne’ebé foti ona iha reuniaun anterior.

Iha aspetu infraestrutura, Vise-Primeiru-Ministru Asuntu Ekonómiku, Francisco Kalbuadi Lay, aprezenta informasaun kona-ba preparasaun Sentru Konvensaun, hotel sira, aeroportu no fasilidade apoiu seluk ne’ebé presiza atu simu delegasaun no vizitante internasionál sira durante atividade ASEAN iha tinan 2029.

Lee Mós:
PM Xanana Husu Konsul Jerál Abreu Ximenes Reprezenta Didi'ak Estado TL Iha Belfast-Irlandia Norte

Ministru Bendito Freitas subliña katak,Timor-Leste nia adesaun ba ASEAN loke oportunidade foun ba integrasaun rejionál no kooperasaun ekonómika. Tanba ne’e, Governu presiza kontinua hametin kapasidade nasionál no koordenasaun entre entidade relevante sira atu responde ba responsabilidade ne’ebé sei asume.

Enkuantu ne’e, Vise-Ministra Asuntu ASEAN, Milena Rangel, hateten katak reuniaun interministeriál ne’e hala’o regularmente atu atualiza informasaun kona-ba progresu servisu husi komité no subkomité sira, avalia atividade sira ne’ebé hala’o ona no identifika área sira ne’ebé presiza hadi’a.

Lee Mós:
Xina Fó Tarifa Zero ba Produtu Timor-Leste, Setór Privadu Hetan Oportunidade Merkadu Foun.

Reuniaun ne’e mós analiza implementasaun desizaun sira ne’ebé foti ona, atu asegura katak preparasaun iha área institusionál, infraestrutura no lojístika lao tuir planu ne’ebé estabelese.

Reuniaun Interministeriál ASEAN 2026 ne’e,partisipa husi membru Governu no diretór sira husi ministériu no entidade relevante sira, nu’udar parte husi koordenasaun nasionál ba preparasaun Timor-Leste nian atu asume Presidénsia ASEAN iha tinan 2029.(Smnews/)

 

Lee nain: 41