Xanana Hetan Fiar Sai Enviadu Espesiál Ba “Kyoto Peacebuilding Assocition”

Smnewstl.com 24-11-2021 (JAPAUN) – Vice Presidente Kyoto University of The Arts, Niwa Takahiro husu ba Lider Istoriku, Kay Rala Xanana Gusmão atu sai enviadu espesiál ba (especial adviser) ba The Kyoto Peacebuilding Assocition.

Vice Presidente Kyoto University of The Arts, Niwa Takahiro hamutuk ho Prezidente Ba Asosiasaun Globál ba Kontrusaun Paz iha Japaun,Sukihiro Hasegawa informa asuntu ne’e bainhira hala’o enkontru hamutuk ho Xanana Gusmão akompaña hosi Embaixadór Timor-Leste ba Japaun, Ilidio Ximenes da Costa, iha Japaun.

 Niwa Takahiro konsidera, Xanana nu’udar vigura politiku mundiál hosi Timor-Leste ne’ebé iha esperensia atu fó hanoin ba foin sa’e iha Japaun inklui Timor-Leste no mundu tomak kona-ba partisipasaun joven iha prosesu kontrusaun estadu no nasaun inklui prosesu harii dame no pás ba iha nasaun hotu- hotu.

“Ami sente onrado hakarak konvida ita boot sai enviadu espesiál ba (especial adviser) ba The Kyoto Peacebuilding Assocition,” dehan Niwa ba Xanana.

Xanana Gusmão agradese no prontu nafatin ajuda sira liu-liu fahe hanoin ne’ebé di’ak ba foin sa’e sira iha The Kyoto Peacebuilding Assocition.

Iha enkontru armonia ne’e, Xanana mós husu atu Prezidente ba Asosiasaun Globál ba Kontrusaun Pás nu’udar mós Eis Enviadu Espesiál Sekretáriu Jerál Nasoins Unidu mai Timor-Leste (UNAMET), Sukehiro Hasegawa atu bele simu no tulun estudantes sira husi g7+ (*/rio)