Tuda Malu Madrugada Ne’e Iha Balide, Ekipa Konjunta Kaer Ema Nain 14

Smnewstl.com – Ekipa konjunta kompostu husi Tasfore Esquadra nain feto hamutuk ho Polisia Militar (PM) asegura ona sidadaun nain 14 ligado ho kazu tuda malu ne’ebe akontese tuku 4 madrugada ne’e iha Mascarenhas aredores escola UNDIL.

Tuir informasaun ne’ebe Smnews asesu komfirma, kazu ne’e akontese kauza mos husi asaun sadik malu entre grupo ne’ebe dadaun ne’e sai viral iha media social.

Enkuanto grupo ne’ebe involve iha asaun tuda malu ne’e diskumfia entre jovens sira husi Marcsrenhas ho Quintal Bo’ot.

Sidadaun ne’ebe ekipa konjunta kaptura nain 6 husi parte Quintal Bo’ot, enkuanto nain 8 husi Mascarenhas.

Sidadaun hirak refere dadaun ne’e submete hela iha Esquadra Polisia Nain Feto hodi submete ba investigasaun.

Enkuanto tuir informasaun ne’ebe Smnews ne’e asesu asaun tuda malu ne’e rezulta mos estragus iha Edifisio Quartel Polisia Militar Mascarenhas Dili.

To’o informasaun ne’e fo sai parte Polisia li-liu Komando Geral PNTL Dili seidauk aprezenta pozisaun ruma.(Smnews)