Timor-Leste No Brasil Deskuti Programa Formasaun Ba Professores

Smnewstl.com– Prezidente Institutu Nasionál ba Formasaun Dosente no Profissionais ba Edukasaun iha Timor-Leste (INFORDEPE) ne’ebé tutela iha Ministériu Edukasaun no Subsecretaria de Formação Continuada dos Profissionais da Educação (EAPE) deskuti kooperasaun téknika ba formação professores.

Prezidente INFORDEPE, Domingos Martins informa, professor Brazileiru ne’ebé fornese formasaun ba INFORDEPE sai hanesan ajente siéntifika, kultural no polítika iha sosiedade, hodi assegura universalidade iha assesu ba edukasaun.

Diretora Pedagójika EAPE husi Brazil, Luciana Ribeiro deklara prontidaun husi Brazil atu koopera ho Timor-Leste no haktuir katak, Brazil iha referénsia nasionál kona-ba prestasaun servisu edukasaun ne’ebé kualidade exelente no transparente.

“Parseria ba desentralizasaun iha asaun jestaun nian , garante Igualdade ba edukasaun públiku, gratuita no kualidade ba ema hotu, tuir komprimísiu no koerénsia ba objetivu instituisaun nian ho étika komprimísiu ba edukasaun no direitu umanu”, dehan Diretora Pedagójika EAPE Brazil.

Enkontru ne’ebé realiza iha Brazilia, kapital Brazil partisipa mos husi Diretór Jerál Ensinu Sekundáriu Sr. Deolindo Da Cruz, Adidu Edukasaun Timor-Leste iha Brazil Marcelino Ximenes Magno, reprezentante Embaxadóra Timor-Leste Iha Brazil Filomena Noronha Mesquita .

Iha Brazil, delegasaun Timor-Leste, simu husi Diretora Pedagogica Luciana Ribeiro, pesquisadora sira husi Universidade Brasilia – UnB, Kelly Silva, Formadora husi EAPE, Renata Nogueira ne’ebé hanesan mos Secretaria de assuntos institucionai no ba Edukasaun Profissionál.(SMNews)