Smnewstl.com Dili – Dadaun ne’e sai viral iha Média Social ligado ho notícias husi media balun kona ba Pesoal Docente husi Universidade da Paz diskumfia halo asedu sexual hasoru nia estudante.
Tuir komunikadu imprense ne’ebé Redasaun Smnewstimor asesu husi Media UNPAZ Domingu (30/07/23) komfirma, hafoin UNPAZ liu husi Departamentu Rekursu Umanu simu keixa husi família kona-ba akontesimentu ne’e.
Senadu ne’ebé nu’udar órgaun aas liu iha universidade, deside aplika sansaun supensaun bá manorin na’in ne’e, tanba konsidera asaun ne’ebé nia halo viola regras no étika profisional hanesan dosente iha UNPAZ.
“Senadu Universidade da paz liuhusi rekursu humanu simu keisa husi família ne’ebé ita hotu akompaña ne’ebé viral iha média sosial katak, pesoal dosente ida ne’ebé utiliza nia poder hanesan dosente hodi viola tiha regras hotu ne’ebé hatur tuir étika profesionál nu’udar dosente ba nia estudante horseik iha UNPAZ, tanba estudante ho dosente ne’e tula malu husi kareta husi kampus atu ba bimbing realidade la’e, situasaun ida-ne’e ba mosu to’o tiha iha hera depois de akontese, Iha Kampus UNPAZ (29/07),” haktuir iha komunikadu imprensa ne’e.
Hafoin akontese no viral iha media sosial, família husi estudante nian to’o kedas iha UNPAZ hodi halo keixa, nune’e nu’udar responsável Másimu, Reitor UNPAZ Adolmando Amaral, orienta kedas pro-reitor no Departamentu Rekursu Umanu Universidade nian atu suspende dosente refere, nune’e bele prosesa tuir dalan legal.
“Reitór fó ona orientasaun urjente ba iha pro-reitor rekursu humanu, atu halo suspensaun ba dosente ne’e rasik, nune’e bele rezolve problema ne’e, Reitór konsidera buat hotu ne’ebé familia lori liuhusi prosesu legal lei, reitor asegura ida ne’e hodi la’o, maibe atu to’o iha lei sira ne’e la’o, hanesan Reitór nia preokupasaun ho viral iha média sosias sira, ohin loron dosente ne’e halo ona suspensaun, atu bele rezolve nia problema hotu, hafoin bele reativa fila fali, depois de hetan rezultadu husi tribunal nomós desizaun husi familia,” sita tan.
Reitór husu situasaun ida ne’e, hotu-hotu hela ho hakmatek, tanba to’o ona iha autoridade, tanba ne’e ita hotu hein lei mak halo desizaun hotu. (*)
Komentariu