SMnewstl.com | AUSTRÁLIA, 05 Abril 2026 — Boxista Timor-Leste, Délio Anzaqueci Mouzinho, tenke simu derrota iha Eventu internasionnal Primer Boxing Champions (PBC), ne’ebé realiza iha Austrália, hafoin adversáriu Callum Peters hatudu dominasaun durante luta tomak.



Iha kompetisaun ne’ebé realiza iha WIN Entertainment Centre, Peters hatudu performa forte ho movimentu rapidu, atake presiza no kontrola ritmu luta husi ronda dahuluk to’o ronda ikus. Iha final, nia konsege manán ho skore klaru 6-0 tuir desizaun juízes sira.



Maske hetan presáun durante luta, Délio Mouzinho nafatin tenta responde ho determinasaun aas. Maibé, esforsu ne’e seidauk sufisiente atu muda rezultadu final.



Maski hetan derrota, partisipasaun Délio iha eventu internasionál hanesan ne’e konsidera importante tebes atu hasa’e nia esperiénsia no kapasidade iha ringe internasionál.



Rezultadu ida ne’e mos bele sai motivasaun boot ba nia atu kontinua prepara an di’ak liu tan ba kompetisaun sira tuir mai.(/SMnews)

Lee nain: 57
Lee Mós:
Kuba Reafrima Kompromisiu Apoio Seitór Saúde