SMnewstl.com DILI | 31 Marsu 2026 – Parlamentu Nasionál aprovasaun ona iha jeneralidade ba Proposta Lei kona-ba Rejime Jurídiku Arte Marsiais, ho rezultadu votasaun 38 a favor, kontra 0 no abstensaun 16 iha Tersa Feira ne’e.
Proposta Ba Rejimi Jurídiku Arte Marsiais ne’e Aprejenta husi Ministro Joventude Desportu Arte no Kultura Nelyo Isaac Sarmento ho Ministro Interiór Francisco da Costa Guterres, ho Objetivu mak atu estabelese regra ne’ebé klaru kona-ba prátika arte marsiais, garante seguransa públika, no promove desportu ne’ebé bele kontribui ba dezenvolvimentu karakter no disiplina juventude nian.
Nune’e mos organiza no regula prátika arte marsiais iha nasaun, hodi prevene konflitu no promove disiplina ba juventude.
Hafoin aprovasaun iha jeneralidade, plenária deside hodi hatun proposta lei ne’e ba Komisaun G (Edukasaun, Juventude, Kultura no Desportu) atu kontinua diskusaun iha espesialidade, hamutuk ho Komisaun A no B.
Iha Diskusaun ba Proposta lei ne’e Prezide husi Prezidente Parlamentu Nasionál Maria Fernanda Lay, no konsidera lei ida ne’e nudar pasu importante atu garante estabilidade no dame iha sosiedade.
Komentariu