Smnewstl.com – K-LINK sai kampiaun bá ekipa mane no AD SLB sai kampiaun bá ekipa feto iha Liga Voleiból Timor-Leste (TL) 1ª Divizaun – 5ª Edisaun.

ADVERTISEMENT
SCROLL FILA BA NOTISIA


Jogu finál ne’ebé hala’o iha Jináziu Desportu Dili, Segunda (13/01/2025) entre ekipa mane, K-LINK manán adversáriu AD SLB ho skore 3-2 no ekipa feto, AD SLB halakon ekipa ASSALAM ho skore 3-1.

Primeiru-Ministru (PM), Kay Rala Xanana Gusmão mak ensera Liga Voleiból Timor-Leste 1ª Divizaun – 5ª Edisaun, no parabeniza manán-na’in sira inklui ekipa hotu-hotu, enkoraza mós atu kontinua promove no dezenvolve talentu ne’ebé iha, liu-liu hadi’a di’ak liu-tán tékniku jogu nian hodi adapta no reprezenta Timor-Leste iha jogu internasionál sira iha futuru.

Lee Mós:
Kontinua Hakbi'it Kapasidade, Membru F-FDTL 16 Remata Kursu Jestaun no Administrasaun

Orsamentu ne’ebé Ministériu Juventude Desportu Arte no Kultura (MJDAK) aloka bá eventu ne’e ho totál $70.000 no prémiu ne’ebé oeferse bá manán na’in sira maka ekipa mane K-LINK simu $8.000, AD SLB simu $6.000, JOLI TOMI simu $4.000, ATONE AMBENO simu $2.000.

Enkuantu ekipa feto, AD SLB simu $8.000, ASSALAM simu $6.000, JOLI TOMI simu $4.000, ZONA MESAK simu $2.000.

Iha mós prémiu individual bá mane nian ne’ebé kategoriza bá Jogadór di’ak liu maka Deni P. Sitiawan (K-LINK) simu $200, Spike di’ak liu mak Salsabila Anugrah Dewa (AD SLB) simu $200, Toser di’ak liu maka Editorio A. Sequeira (K-LINK) simu $200 no Divend di’ak liu maka Batista (ATONE AMBENO) simu $200.

Lee Mós:
SEKJER ONU Sei Partisipa Komemorasaun Tinan -25 Konsulta Popular

Enkunatu Prémiu individual ekipa feto nian kategoriza bá Jogadora di’ak liu maka Devi Melinda Novitasari (AD SLB) simu $200, Spike Di’ak liu maka Maria Dwiningtyas (AD SLB) simu $200, Best Setter maka Alderita da Silva (AD.SLB) simu $200 no Divend di’ak liu maka Rina Alfianti Puri (ASSALAM) simu $200.

Lee Mós:
Korea do Súl Hakarak Halo Timor-Leste Sai Matak

Governu realiza Liga ne’e ho objetivu atu promove dezenvolvimentu kualidade atleta timoroan sira nian iha desportu hodi prepara bá futuru.

Eventu ne’e hetan partisipasaun hosi Ministru Juventude, Desportu, Arte no Kultura, Nelyo Isaac Sarmento, Inspetór Jerál F-FDTL, Cornelio Ximenes (Maunana), Komandante PNTL – Unidade Apoiu Servisu, Antoninho Mauluta, Prezidente Konfederasaun Desportu Timor Leste (CDTL), Macário Floriano Sanches, Prezidente Federasaun Voleiból Timor-Leste (FVTL), emprezáriu sira no bainaka sira(*/Smnews)

Lee nain: 1,500