Smnewstl.com | DILI, Abril 2026 – Feto ida ho naran Aliança Maria de Deus mate iha Hospital Nacional Guido Valadares hafoin hetan tratamentu mediku durante loron tolu.
Informasaun ne’ebe Smnews asesu hatudu katak vítima tara a’an iha loron 30 Marsu 2026 iha hela fatin Mercado Taibesi, antes de evakua ba hospital husi nia katuas oan hodi salva nia vida.
Maske hetan asisténsia medika, Aliança hakotu i’is iha loron 2 Abril 2026. To’o oras ne’e, mate isin sei hela iha mortuáriu hodi hein prosesu autópsia.
Autoridade sira husi ekipa forénsika to’o ona iha fatin hodi halo ezaminasaun, maibé prosesu entrega ba família seidauk bele realiza tanba iha suspeita kona-ba indísiu krime ligado ho kazu ne’e.
Tan ne’e, mate isin tenki submete ba autópsia atu determina klaru causa morte. Vítima husik hela oan mane ida ho idade tinan 2. Polísia sei kontinua investiga kazu ne’e hodi hatene lolos faktu sira iha okos husi insidente ne’e.(/SMnews)
Komentariu