Smnewstl.com – Governu Konfirma katak, Timor-oan na’in 51 ne’ebé hela iha Isreael ne’ebe tuir kursu Agrikultura no Ortikultura, iha Sentru Internasionál Formasaun Agríkola Arava (AICAIT), seguru hela no exekutivu buka hela dalan atu fasilita sira fila mai Timor-Leste.
Informasaun ne’e fo sai iha Portavoz governu, Agio Pereira, relasiona ho eskala konflitu entre Israel ho Hamas ne’ebé hamate ona Palestinianu no Israel rihun rua resin.
Exekutivu garante katak, mantein kontaktu regulár ho sidadaun hirak-ne’e, ho fornesimentu informasaun atualizada no halo koordenasaun ne’ebé metin ho autoridade relevante hodi garante seguransa ba sira.
Porta Voz Governu nian promete atu nafatin halo koordenasaun ho entidade kompetente no parseiru sira, buka hela meius ne’ebé presiza hodi haruka fila hikas sidadaun timoroan sira iha Israel mai Timor-Leste ho seguru.
Além de ne’e, halo nafatin vijilansia no foti medidas medidas adisionais, karik presiza, hodi asegura moris-di’ak ba ninia sidadaun sira iha Israel.
“Ami komprometidu tebes hodi garante seguransa no moris-di’ak ba ami-nia sidadaun sira iha Israel. Governu serbisu hela ho ativu hodi kria kondisaun sira ne’ebé presiza atu haruka fila hikas sidadaun timoroan sira mai Timor-Leste, liuhosi kolaborasaun ne’ebé metin ho autoridade relevante sira”. Tenik Agio Pereira. (Smnews)
Komentariu