Smnews.com – Nova Iorke, 23 Setembru 2023-Festivál Sidadaun Globál 2023, hanesan eventu anuál ho misaun atu hakotu Ki’ak Estrema Ohinloron, hala’o iha Central Park, Nova Iorke.
Festivál ne’e la’os de’it konsertu, maibé movimentu ne’ebé halibur ‘Sidadaun Globál’, artista, ativista, líder mundu nian, filantropu sira, líder korporasaun sira no seluk tan.
Destake ida husi festivál ne’e mak prezensa líder mundu nian. Prezidente José Ramos-Horta hanesan figura importante ida ne’ebé hato’o diskursu iha eventu ne’e. Nia partisipasaun hatudu nia kompromisu ba asuntu globál sira no nia dedikasaun hodi reprezenta Timor-Leste iha plataforma internasionál ida ne’ebé aas tebes.
Festivál ne’e sai plataforma ida ba ema millaun nia lian ne’ebé ezije asaun urjente husi líder mundu nian ne’ebé halibur malu iha Nova Iorke ba Asembleia Jerál Nasoins Unidas iha Setembru ne’e.(smnews)
Komentariu