Smnewstl.Com – Ministra Edukasaun Dulce de Jesus Soares husu salesianu sira atu kontinua hatudu ezemplu ba sosiedade, tanba kontribui ona ba prosesu dezenvolvimentu seitór edukasaun.
“Hakarak dezafia nafatin ho fiar ne’ebé iha atu komunidade saleziana hatudu nafatin ezamplu di’ak, nune’e fó forsa ba governu hodi iha futuru ba eskola iha fatin ne’e, tanba fatin ne’e istóriku no husi saleziana oras ne’e ema barak mak ukun rai ne’e”, Tenik Ministra Edukasaun hafoin partisipa iha missa aniversáriu Dom Bosco Fuiloro ba dala 75.
Governante fundamenta katak, exekutivu aposta tuir mata-dalan governu konstitusionál da-sia, atu tau-matan ba eskola estatal no katólika sira ne’ebé apoia maka’as ba formasaun cidadania.
Iha selebrasaun missa, Bispo Dioseze Baucau Dom Leandro Maria Alves konsidera katak, eskola Fuiluru durante tinan 75 lori naroman ba Lospalos, Munisípiu Lautem no mos ba Timor-Leste.
“Ita agradese tebes ba misionáriu sira ne’ebé mak ho domin tomak halo sakrifísiu oinoin hodi habelar maromak nia reinu no fó matenek mai ita nia avó sira hodi hatutan mai ita sira ne’e la’os de’it liuhusi fatin formasaun, maibé mós ho meiu sira seluk”, dehan Amu Bispo.(Smnews)
Komentariu