Smnewstl.com Media online -Hafoin iha Tinan kotuk husik hela klube Lalenok United FC, treinador Xileno Simon Pablo Elisestche rekonhese sei iha sentimentu saudades ho futebol Timor Leste, Liliu ho futebolista Timor oan sira nian nebee tuir nia iha kapasidade diak talentu natureza (bakat alam) no nia mos saudades ho atmosfera Futebol Timor Leste nian.
“Hau saudades futebol Timor Leste liliu nia futebolista sira. Iha Timor Leste hau kontente tebes iha situasaun Treino no hare’e jogador sira nia Performe iha kampu laran ho sira nia talentu natureza inklui mos atmosfera iha futebol Timor Leste,”tenik nia.
Dadaun Simon sei kesi hela kontratu ho durasaun èpoka ida hamutuk ho PSPS RIAU klube nebee sei kompete iha segunda divisaun liga indonesia. Simon sei iha esperansa atu hakat fali mai Timor Leste.
“Hau agora sei foku ho ho hau nia klube foun PSPS RIAU no sira kesi hau ho kontratu durante èpoka ida no hau hakarak ofrese buat nebee diak ba clube nee, maibe hau nafatin iha esperansa loron ida hau sei fila fali ba Timor Leste karik iha opurtunidade hodi treino fali klube iha Timor Leste.
Elisestche iha ona esperensia lubuk ida hamutuk ho klube sira iha Timor Leste, iha nebeè nia konsege lori Assalam FC sai Runner up iha taça 12 de novembru tinan 2016, Lori Karketu Dili FC sai kampiaun iha Liga Futebol Amadora no Super Taça iha Tinan 2017 no ofrese Títlu kampiaun Copa FFTL no Taça 12 de Novembru ba Lalenok United FC iha Tinan 2020.
Komentariu