Smnewstl.com Media online -Lider Nacional, Kay Rala Xanana Gusmao Kuarta feira ne’e kompleta ona vasina aruak Sinovac iha Clinica Maternidade Fatumeta,hafoin simu doze dahuluk iha loron 22 fulan Junho 2021.
Eis Lider Rezistensia to’o iha Clinica Fatumeta maizumenus tuku 9 dadersan, simu direitamente husi Madre sira.
Xanana Gusmao hakat kedas ba meza registrasaun hafoin simu Vasina husi Dotor Rogerio Pedro Sama.
Remata ne’e, Xanana Gusmao hakat kedas tama ba komfirma iha eletronika, hafoin fo sai mensagen ba pupliku.
Eis Chefe Estado ne’e husu ba timoroan hotu espesialemente Posto Administrativo Cristo Rey no Atauro atu hakbesik ba Centru Saude hodi simu vasina nunee bele livre husi ameasa Kovid-19.
Xanana Gusmao konsidera, Kovid-19 hanesan problema mundial, tamba ne’e ho hakraik husu atu timoroan hotu Vasina ho nune’e bele kontribui ba normaliza hikas fali situasaun iha rai laran nomos mundo.
Nia husu kolaborasaun husi autoridade sira hotu atu kolabora ho popasaun ho nune’e populasaun sira bele hakbesik mos ba simu Vasina.
“Hau husu ba Chefe Suco, Administrador Posto sira hotu atu kolabora ho populasaun hodi lori sira ba simu vasina. Ita nia rai ne’e ki’ik, bainhira ita la kolabora maka sei labele salva ita nia populasaun. Tamba ne’e ho servisu hamutuk deit maka ita hotu bele livre husi Kovid-19,”tenik nia. (Rio)
Komentariu