Smnewstl.com – Timor-oan na’in rua selesionadu husi Eskritóriu Assuntu Akadémiku husi Fudan University, hodi reprezenta Universidade Topu iha Xina hanesan, Jiaotong University no Shanghai Chinese Medicine University hodi partisipa iha konferénsia altu nível kona-ba lejislasaun ba asisténsia médika.
Esmeraldito Ferreira no Terezinha Alvensia Detta Freitas Alves hamutuk ho estudante medisina na’in 6 seluk husi Fudan University, Jiaotong University no Shanghai Chinese Medicine University mak partisipa iha konferénisa ne’ebé realiza iha Shanghai Municipal People’s Congress conference hall.
Eventu ne’e konta ho partisipasaun husi membru Komité Permanente husi Assembleia Populár Munisípiu Xangai no Prezidenre Komissaun ba Assuntu Étniku no Médiku Xinezes Ultramarinu no mos Komissaun ba Relasaun Exteriór husi Assembleia Popular Munisipal, hodi ko’alia kona-ba lejislasaun sira kona-ba saúde iha Xina.
Tema seluk ne’ebé mak deskuti hanesan proposta atu hadi’a edukasaun, formasaun médika, infraestruturas saúde, preokupasaun kona-ba saúde pública, possibilidade ba mudansa regulatória hodi promove kualidade no assesbilidade kuidadu saúde ba sidadaun sira iha Xangai.
Tuir nota imprensa ne’ebé Smnews asesu, esforsu husi representante estudante ne’ebé inklui mos Timor-oan na’in rua ho membru lejislativu sira, refelte ba diskusaun pro-ativa, hodi ko’alia kona-ba nesesidade evolusaun saúde iha sidade Xangai ho nia populasaun. (Smnews)
Komentariu