Smnewstl.com | MALÁZIA 29 Marsu 2026– Ekipa Aero Dili Kontinua Hala’o Vizita ba Iha Mahkota Medical Centre Hodi halo Promosaun voo Aero ba servisu saúde iha Mahkota Medical Centre ne’ebé iha kualidade no atendimentu di’ak ba pasiente sira, liu-liu husi rai liur.
Hospital ne’e ekipadu ho teknologia modernu no médiku internasionál sira ho espesialista barak husi rejiaun ASEAN. Inisiativa ida ne’e konsidera importante ba Timor-Leste, tanba bele ajuda sidadaun sira hetan tratamentu espesial ho kualidade aas.
Iha Intervista CEO Mahkota Medical Centre Ms. Teo Chin Yee Hatene katak Sente Apresia no entuziasmu ba inisiativa voo diretu husi Aero Dili ne’ebé ofisialmente hahú iha loron 28 Marsu 2026.
Hospital refere katak koneksaun foun ida ne’e sei fó oportunidade boot ba pasiente sira husi Timor-Leste atu asesu servisu saúde internasionál ho fasil liu.
Desde tinan 1998, Mahkota Medical Centre hahú ona fó atendimentu ba pasiente internasionál sira, no to’o agora iha ona esperiénsia barak iha tratamentu pasiente husi nasaun oioin. Ho ne’e, hospital ne’e prontu atu estende nia servisu ba sidadaun Timor-Leste sira, inklui sira ne’ebé viaja liu husi Aero Dili.
Iha área kualidade no seguransa, Mahkota Medical Centre kompromete atu tuir padraun internasionál, liu-liu ho akreditasaun husi Joint Commission International (JCI). Sistema ida ne’e asegura katak pasiente hotu simu tratamentu ne’ebé seguru, kualidade aas no sentru ba pasiente.
Ho liu tinan 32 nia esperiénsia iha jestaun kazu médiku, tantu simples no kompliku, no apoiu husi profisionál médiku sira ne’ebé kualifikadu no fasilidade avansadu, hospital ne’e konfiante atu fó servisu saúde ne’ebé konfiável ba pasiente internasionál sira.
Enkuantu Mahkota Medical Centre simu ho laran luak pasiente sira husi Timor-Leste no nasaun seluk atu mai halo tratamentu iha Malázia. (/SMnews)

 

Lee nain: 3
Lee Mós:
Prezensa Jogu Latária Dijitál Atu Halo Mudansa Iha Merkadu TL