Ró Kargo Indonesia Husi Surabaya-Papua Mout, Sidadaun Nain 15 Hetan Iha Atauro

Smnewstl.com – Komandu Marítima Atauro evakua sidadaun Indonézia nain 16 ne’ebé mout ho ró iha loron 02 fulan ne’e entre Atauro ho illa Liran ( Indonézia) nia klaran.

Tuir kronolizia husi kapitaun Suhardi husi Rô KM ARTO MORO II katak, ” Viázem, ami hahu husi Surabaya ( Indonézia) atu ba Papua ( Indonézia), mai to’o iha dalan klaran ami hetan dezastre. Ami nain 16, hela ida mak seidauk hetan. Ami iha ne’e nain 15 ona”, tenik Suhardi.

Vítima hirak ne’e salva-an ho “boia salva vida” no nain 11 mosu iha Beloi no nain 3 mosu iha Baruana.

PNTL husi Unidade Marítima Atauro evakua ona sira mai iha postu Marítima PNTL Atauro no ohin hahu iha tuku 06:00 dadér no kontinua buka tuir nain ida ho idade 60-resin ne’ebé seidauk hetan iha tasi-laran.

Oras ne’e iha Atauro laloran bo’ot no tuir observasaun katak difísil ba mariña UPM-PNTL atu buka tuir.

Entretantu, Prezidénsia Repúblika liu husi assesoria Apoiu Sosiál fó mos apoiu ona ajudu urjente hanesan ropa no sandalha ba vítima sira no hetan mos assisténsia husi PNTL Atauro inklui protesaun sivíl munisípiu Atauro. (*/Smnews)