Smnewstl.com – Prezidente Repúblika, José Ramos-Horta, nomeia Superentidante-Assistente Luís Barreto Soares hodi substitui Superentidante João dos Reis Belo, hanesan adjuntu-xefe kaza militar.
Nomeasaun ne’e, liu-hosi dekretu Prezidente Repúblika, númeru 60/2023 no bazeia ba Lei Orgánika Prezidénsia Repúblika.
Antes ne’e, Adjuntu- Xefe Kaza Militar assume kna’ar hanesan Adjuntu Diretor-Jerál Servisu Migrasaun entre 2009 to’o 2016, Komandante ba Sektor Permanente Estranjeiru husi tinan 2016 to’o 2019, Adidu Migrasaun iha Indonézia entre 219 to’o 2020 no iha inan 2023, okupa temporáriamente Komandu ba Pessoál no Formasaun.
Superentidente-Assistente Luís Barreto Soares doutoradu iha àrea Direitu husi Universidade Udayana Bali no mós hetan formasaun oi-oin iha àrea investigasaun criminal, exploitasaun sexual, tráfiku umanu, lideransa no demokratizasaun.
Antes nomeia Xefe Kaza Militar foun, Prezidente Repúblika, José Ramos-Horta, ezonera Ajuntu- Xefe Kaza Militár, Superintendente João dos Reis Belo, tanba konsidera katak, integra iha lista promosaun ba postu superior no manifesta ninia interesse atu hadi’a karreira profissionál.
Desizaun liu-hosi dekretu Prezidente Repúblika, númeru 59/23 de 29 de Jullu, bazeia ba númeru 3, artigu 26, Lei Orgánika Prezidénsia Repúblika, Lei númeru 3/201 de 1 de Juñu.
Xefe Estadu mós konsidera mós númeru elementu husi Polísia Nasional Timor-Lorosa’e – PNTL ne’ebe mak tinan ne’e, sei tama iha situasaun apozentasaun.(smnews)
Komentariu