Portugal Promete Reforsa Formasaun Rekursu Humanu Seitor Saude

smnewstl.com– Governu Portugal promete reforsa formasaun rekursu humanu no profissionais saúde iha Timor-Leste.

Disponibilidade Portugal ne’e aprezenta iha enkontru entre Ministra Saude, Elia dos Reis ho nia homologu husi Portugal, Manuel Pizarro, iha Nova-Lorke, Estadus Unidus Amérika (EUA).

Ministru Saude Portugal hateten, “hanesan Nasaun irmaun Portugal sempre prontu apoiu TL tuir área prioridades Ministériu Saúde Timor-Leste nian, prontidaun liu-husi apoiu tékniku inklui kapasitasaun rekursu umanu.” Iha biban ne’e, Ministra Saude Elia dos Reis, agradese apoiu husi Portugal ba Timor-Leste durante situasaun pandémika no apoia essencial seluk ne’ebé Portugal oferece ona ba Timor-Leste.

Ba oin, tuir Ministra Saude, exekutivu sei haforsa servisu SNAEM I.P, servisu farmasia no medikamentus, INSP-TL, Kuidadus Saúde Primária, Sekundária no Tersiária. (smnews)