Smnewstl.com—Primeiru-Ministru, Kay Rala Xanana Gusmão ho delegasaun to’o ona Singapura no simu hosi Ministru Relasaun Exteriór Singapura, Vivian Balakrishnan ho Embaixadór Timor-Leste (TL) bá Singapura, Alexandre Tilman.

ADVERTISEMENT
SCROLL FILA BA NOTISIA


Primeiru-Ministru ho delegasaun to’o Aeroportu Internasionál Changi, Singapura iha tuku 10:53 oras Singapura nian.

Lee Mós:
Estudante 2600 Iha Instituisaun Edukativo Kristal Preparadu ba Izame Pasazen Klase

Hosi Aeroportu Internasionál Changi, Xefe Governu ho delegasaun diretamente bá fatin deskansa nian iha The Fullerton Hotel.

Durante minutu balun, Primeiru-Ministru hala’o kedan enkontru badak ho delegasaun hodi haree hamutuk kona-bá ajenda prinsipál sira bá vizita ofisiál iha Singapura.

Lee Mós:
Ministru Administrasaun Estatál, Tomás do Rosário Cabral, Reprezenta Ministru Negósiu Estranjeiru no Kooperasaun Vizita Estadu,Prezidente Repúblika, José Ramos-Horta iha Guiné-Bissau

Delegasaun ne’ebé akompaña Primeiru-Ministru maka membru seniór sira iha Gabinete, inklui Vise-Primeiru-Ministru, ne’ebé ezerse mós funsaun hanesan Ministru Koordenadór Assuntus Ekonómikus no Ministru Turizmu no Ambiente, Francisco Kalbuadi Lay; Ministru Negósiu Estranjeiru no Kooperasaun, Bendito dos Santos Freitas; Vise-Ministra bá Assuntu ASEAN, Milena Maria da Costa Rangel; no Sekretáriu Estadu Komunikasaun Sosiál, Expedito Dias Ximenes no Xefe Gabinete Primeiru-Ministru nian, Elizabeth Exposto.(*/Smnews)

Lee nain: 958