Smnewstl.com – Espesialista ba Dezenvolvimentu Rekusu Humanu iha Association of Southeast Asian Nation (ASEAN) Bob Aubrey hasoru malu ho Primeiru-Ministru, Kay Rala Xanana Gusmão hodi deskute polítika no preparasaun rekursu umanu Timor-Leste sai membru ASEAN.
“Ohin previléjiu no sente onradu hasoru Primeiru-Ministru Xanana, no ami ko’alia kona-ba dezenvolvimentu iha nasaun ne’e, partikularmente kona-ba dezenvolvimentu rekursu umanu.
Nu’udar fundador ba organizasaun dezenvolvimentu rekursu umanu ASEAN, hanesan organizasaun privada ou sosiedade sivil ami hakarak kria oportunidade dezenvolvimentu rekursu umanu iha kada membru ASEAN, partikularmente liga ho sitausaun Timor-Leste,” informa Dr. Bob Aubrey hafoin hamutuk ho Ministru Prezidénsia Konsellu Ministru, Agio Pereira no Sekretaria Estadu ASEAN, Milena Rangel hala’o enkontru ho PM Xanana, iha Palasiu Governu Dili.
Dr. Bob rekomenda ba Timor-Leste presiza prepara-an didi’ak rekursu umanu aprende hosi nasaun membru ASEAN sira, hodi bele prepara-an di’ak liután atu simu buat hotu- hotu ne’ebé Assosiasaun Rejionál Sudeste Aziatiku sei oferese ba Timor-Leste no Timor-Leste mós sei oferese ba ASEAN.
Durante enkontru, PM Xanana husu mós ba Dr. Bob Aubrey atu fahe esperensia di’ak sira ba membru Governu tomak, liu hosi semináriu ne’ebé Governu Timor-Leste sei prepara iha tempu badak. (Smnews)
Komentariu