Smnewstl.com Media Online – Hafoin rona aprezentasaun kona-ba pontu situasaun epidemiolójika nasionál husi Koordenadór sala situasaun Sentru Integradu Jestaun Krize (SIJK) iha enkontru konsellu ministru, oitavo Governo liderado Taur Matan Ruak halo deliberasaun atu propoin bá Prezidente Repúblika (PR), Francisco Guterres Lú-olo, hodi renova tan estadu emerjénsia ba loron 30.

ADVERTISEMENT
SCROLL FILA BA NOTISIA


Konsellu ministru deside atu propoin dala ida tan extensaun estadu emerjénsia fulan-augustu tomak to’o fulan-Setembru, tanba tuir konstituisaun estadu emerjénsia ne’e só bele halo iha loron 30 nia laran de’it, ne’ebé kada renovasaun tenki bá husu fali Parlamentu,” dehan Ministru Prezidénsia Konsellu Ministru, Fidélis Magalhães, kuarta (21/07/21) iha Palásiu Governu.

Lee Mós:
Ekipa Apoiu Horta: Marí Alkatiri no Nakfilak la iha koñesimentu klean ba konstituisaun.

Porta-voz Govenru ne’e esplika, medidas ne’ebé atu limita direitu fundamentál sidadaun sira nian tenku liu husi estadu emerjénsia, tanba konstituisaun Repúblika Demokrátika Timor-Leste (RDTL) la fó dalan atu aplika estadu emerjénsia durante tinan ida.

“Ami rona barak mós dehan, tanba sá EE ne’e la halo tinan ida tomak.? Laiha dalan, tanba konstituisaun Repúblika la fó dalan, estadu de exepsaun katak, ita bele hola medidas ne’ebé limite direitu fundamentál sidadaun nian, só bele halo renovasaun ne’ebé fundamentada kada loron 30,” subliña Fidélis.

Lee Mós:
Família ida iha Ermera simu uma foun husi Prezidénsia, maibé inan Berta de Jesus mate molok konstrusaun remata

Tuir trámitasaun legál, bainhira hetan ona deliberasaun husi konsellu ministru, governu sei hato’o fali pedidu ne’e bá Xefe Estadu.

Nne’e Xefe Estadu bele konvoka reuniaun ho órgaun konsultasaun rua Xefe Estadu nian hanesan konsellu estadu no mós konsellu superiór defeza no seguransa, atu aprova proposta governu ne’e hodi hato’o fali bá Parlamentu Nasionál (PN) atu hetan autorizasaun.

Lee Mós:
Baragem Tono La Fornese Be'e ba Natar, Autoridade RAEOA Nonok, Povu 100 Resin Ameasadu Hamlaha

Bainhira hetan ona aprovasaun iha Parlamentu Nasionál, maka governu mós sei arpova medida ezekusaun bá estadu emerjénsia nian.

Estadu Timor-Leste aplika medidas deklarasaun estadu emerjénsia bá dala-XV ona, desde Timor-Leste rejista primeiru kazu pozitivu Covid-19 husi sidadaun estranjeiru ida iha loron 21 fulan-marsu 2020, hodi bele proteje saúde públika sidadaun sira-nian husi impaktu surtu Covid-19(ant)

Lee nain: 844