Smnewstl. com – Ministra Edukasaun Dulce de Jesus Soares hala’o enkontru ho Sr, Bob Audrey hodi ko’alia kona-ba Ministériu Edukasaun nia papél iha prosesu Timor-Leste adezaun ba ASEAN, iha Salaun VIP Ministériu Edukasaun, Vila-Verde.
Iha enkontru ne’e Ministra Edukasaun, ulce de Jesus Soares hateten, Ministériu Edukasaun nia papél mak forma estudante sira nia kualidade liuhusi prosesu ensinu aprendizajen no halo ligasaun ho nasaun sira membru ASEAN atu bele iha oportunidade hodi estuda ne bele halo investimentu entre nasaun membru sira.
“Ministériu Edukasaun tenki hasa’e ninia kualidade edukasaun, nune’e timoroan sira bele kompete iha nasaun sira membru ASEAN nian, tanba nasaun membru sira iha potensiál tebes atu Timor-Leste mós bele kontribui”, dehan Ministra.
Iha fatin hanesan Bob Audrey hateten, importante tebes servisu hamutuk ho Ministériu Edukasaun nomós kolabora atu parseiru sira bele servisu hamutuk ho maneira ne’ebé kordenadu no kolaborativu hodi bele alinea ho programa Ministériu nian.
“Ohin enkontru ho Ministétriu Edukasaun ho parseiru dezenvolvimentu sira hotu hodi bele diskuti hamutuk programa prioridade sira atu oinsá bele suporta liután prosesu aprendizajen labarik sira nian iha Timor-Leste.(SMNews)
Komentariu