Smnewstl.com – Prezidente Repúblika Laos Kongratula Timor-Leste nia adezaun ba Organizasaun Mundiál Komérsiu sigla OMK.
iha vizita xefe estadu José Ramos-horta nian ba República Laos, hala’o enkontru dahuluk ho nia omologu ‘Thoungloung Sisouliht’ Preszidente Laos, hodi diskute kona-ba kooperasaun bilaterál entre rai rua.
Reuniaun ne’ebé hala’o iha salaun Asembleia Nasionál Laos ne’e, Prezidente Repúblika Laos ‘Thoungloung Sisouliht’ hato’o nia kongratulasaun ba Timor-Leste nian adezaun ba membru permanente Organizasaun Mundiál Komersiu.
Xefe Estadu Laos haktuir, ho Timor-Leste nia adezaun ne’e, ba oin bele iha kooperasaun ekonómiku ho Laos hodi fó benéfisiu ba povu no nasaun rua.
“Serbisu preparatóriu atu sai futuru hanesan ofisialmente simu nu’udar membru Organizasaun Mundiál Komérsiu nian loron rua liubá, ne’ebé ita-nia nasaun rua iha mekanizmu ida tenke uza atu fó benefisia, ha’u hein katak ita-nia adezaun ne’e bele kontribui liután ba promosaun komérsiu bo’ot liu ne’ebé korporasaun entre ita-nia nasaun rua”, hateten Xefe Estadu Laos Thoungloung Sisouliht.
Hafoin remata reuniaun, Xefe Estadu Horta ho Prezidente Laos Sisouliht, asiste asina akordu kooperasaun ne’ebé selebra husi Ministru Negosiu Estranjeiru no Kooperasaun Bendito Freitas ho Vice Primeiru Ministru no Ministru Negosiu Estranjeiru Laos ‘Saleumxay Kommasith’ iha seitór Komérsiu Ekonomia no Industria, iha okaziaun ne’e Embaxadór Timor-Leste asina mos nota entendementu ho Repúblika Laos atu troka Propriedade Rai.
Entretantu Xefe Estadu Horta ho delegasaun hala’o mos reuniaun ho Primeiru Ministru Laos ‘Xonexay Siphandone’ hodi diskute kona-ba akoordu kooperasaun entre rai rua.
Vizita Estadu ne’e, prezidente república halo mos vizita ba jardim dos erois no tau ai-funan ba iha monomentu erois Laos nian no halao mos vizita ba muzeum ‘That Luang Stupa’ Vientiane Laos. (*/Smnews)
Komentariu