Smnewstl.com – Ministro Comércio Indústria, Nino Pereira hasoru Malu lokraik ne’e ho Ministro Comércio Indústria Indonésia, Zulkifli Hasan Iha Hotel Patma Semarang-Indonesia.

ADVERTISEMENT
SCROLL FILA BA NOTISIA


Prezensa Ministro Comércio Indústria, Nino Pereira Iha Indonésia hodi participa Iha sorumutu Ministru Ekonomiku ASEAN nian ba dala 55, ne’ebe Indonésia rasik mak sai hanesan uma nain.

Lee Mós:
TL-Portugal Diskuti Difikuldade Ne'ebe Timoroan Hasoru iha Aeroportu Bali no Dubai

Ba Ministro Comércio Indonésia Zulkifli Hasan Iha enkontru bilateral, Nino Pereira apresenta pozisaun Timor-Leste hodi husu apoio nune’e bele sai ona parte husi família bo’ot ASEAN.

Aliende ne’e, asuntu seluk mak koalia kona ba estabelese mercado iha Fronteira nomos kapasitasaun recurso humanos.

Lee Mós:
Brazíl Prontu Kapasita Profesór Timoroan no Apoia Medikamentu ba Timor-Leste

Hatan ba ne’e, iha konferensia imprensa, Ministro
Zulkifli Hasan dehan, pronto atu apoio Timor-Leste iha aspeitu hira ne’ebe aprezenta.

“Kona ba Adezaun ba ASEAN, Indonésia apoio nomos asuntu rua seluk hanesan estabelese mercado iha Fronteira no kapasitasaun recurso humanos sei hare hodi konsidera,” Dehan Zulkifli Hasan Iha lian Bahasa.

Lee Mós:
ME sei Duplika Komprimissu Fiskal ba Merenda Eskolar

Aliende ho Indonésia, Nino Pereira mos enkontru ho Vice Ministro Comércio Indústria Laos, Manothong Vongsay inklui mos Canadá.(Smnews)

Lee nain: 1,575