Smnewstl.com-Autoridade Seguransa, Polísia Nasionál Timor-Leste (PNTL) Munisípiu Dili liu husi Eskuadra Polísia Na’in Feto, asegura joven na’in rua ho naran inisial NAFS no SMAdC, tanba deskonfia envolve iha kazu roubo ka hadau Sidadaun sira nia telefone iha Area Balide.

Kazu hadau Telefone ne’e akontese iha loron 01 Fulan Marsu 2025, hafoin vitima konduz hela bisikleta iha area Balide Aldeia Moris Foun, Suku Santa Kruz, Postu Administrativu Na’in Feto Munisípiu Dili mak suspeitu sira hadau nia Telefone ida ho marka Samsung.

“vitima nu’udar estranjeiru ho profisaun Profesóra Portugeza ho naran Maria Crhistina da Castilho Brenda, nia telefone iha area Balide.”Imformasaun ne’ebe sita iha Pajina Offisial PNTL.

Entretantu, joven na’in rua ne’ebé envolve iha kazu roubo/hadau Telefone ne’e, Polísia Eskuadra Na’in Feto indentifika halo kapturasaun iha loron 04/03/2025 iha Ponte My Friend nian no dadaun ne’e asegura ona iha sela hodi submete ba prosesu investigasaun molok aprezenta ba Ministeriu Públiku (MP) (*/SMnews)

Lee nain: 2,854