PM Xanana no Konstitusionalista Portugal Diskute Asunto Justisa, Edukasaun no Estratézia Dezenvolvimentu

Smnewstl.com – Primeiru-Ministru, Kay Rala Xanana Gusmão hala’o enkontru ho Konstitusionalista Portugál, Pedro Bacelar de Vasconcelos hodi deskute asuntu importante sira área judisiariu, edukasaun no estratéjia dezenvolvimentu nasauni naun.

Pedro Bacelar de Vasconcelos nu’udar sidadaun Portugues ne’ebé sai belun di’ak ida ba povu Timor-Leste kontribui no fahe ninia matenek oin-oin ba Timor-Leste iha prosesu harii dame no harii estadu tuir regra demokratiku sira.

Xefe Governu Xanana konvida Pedro Bacelar de Vasconcelos vizita mai Timor-Leste atu kontinua husu ninia opiniaun no matenek atu ajuda hadia dezenvolvimentu Timor-Leste.

“Primeiru-Ministru manifesta nia preokupasaun sira ne’ebé ligadu ho kompromisu ne’ebé hato’o hamutuk ho eleitór sira. Enunsiou buat sira ne’ebé sai preokupasaun pertinentes no kria espetativa ba tinan ida ne’e nian no simultaneamente buat sira ne’ebé parese komplexu no demoradu em termus de kualifikasaun iha sistema de ensinu no iha reforsu de justisa ne’ebé projeta iha mediu longu prazu tuir ho asaun Governu nian no kontinua kooperasaun iha área de ensino no área de justisa ne’ebé existe dezde iha tinan naruk ho ha’u nia país, no Universidade Portugeza sira nomos ho instituisaun sira ne’ebé empeñadu hodi apoiu iha kooperasaun internasionál,” dehan Pedro Bacelar ba jornalista, hafoin enkontru ho PM Xanana iha Palasiu Governu, Dili.

Iha enkontru ho xefe governu ne’e, peritus ba lei ne’e transmite mós mensajen saudasoens husi Governu Portugál hanesan jestu profunda amizade ida ho Governu no povu Timor-Leste.

“Ha’u foin termina enkontru ho Primeiru-Ministru, Kay Rala Xanana Gusmão. Dezde 2000 ha’u halo perigrinasaun too iha Timor-Leste, iha buat ruma nebé sempre útil ha’u bele kontribui ba progresu, dezenvolvimentu no afirmasaun ba independensia povo ida ne’e nian hanesan prazer no oportunidade boot hodi konversa ho Xefe Governu. Ha’u transmiti kumprimentus no saudasoens husi Governu nia nasaun nian ba Primeiru-Ministru no povo Timor-Leste. Ami mós diskuti kestaun oin-oin hanesan interese komum, existe projetu ne’ebé la’o hela, liu-iu programa kooperasaun hahú husi justisa, edukasaun, estratégia dezenvolvimentu hodi reforsa lasu amizade entre Portugál no Timor-Leste,” informa Antigu Konsilleiru ONU ne’e ba Timor-Leste.

Professór Direitu Públiku no Eis Governador Sivil de Braga-Portugál ne’e reforsa tan katak, durante enkontru ho PM Xanana sira aborda interese komum iha área oi-0in relativamente liagadu ho projetu formasaunno programa koopersaun sira seluk.

Hafoin enkontru, PM Xanana ho kontente tara tais no entrega kafé Timór ba Pedro Bacelar nu’udar agradesimentu hosi povu no governu Timor-Leste. (SMnews)