Papa Hare Posiblidade Visita Timor-Leste Iha Fulan Agostu

smnewstl.Com-Papa Francisco hakarak atu vizita Timor-Leste no mos nasaun Azia seluk hanesan Indonezia, Singapura no Papua Nova Guine iha fim fulan Agostu.

Tuir Revista katolika mensal husi Jezuita Estadus Unidus Amerika no sita husi portal Radio Veritas Asia katak, papa planeia vizita Azia iha tinan 2020, maibe ajenda ne’e adia tanba Covid-19.

Haktuir husi Radio Veritas Asia, Papa kleur ona hakarak vizita Timor-Leste ne’ebé porsentu 97 husi populsaun 1.4 millaun hanesan katóliku, kontrária ho Papua Nova Guiné ne’ebé porsentu 26 husi populasaun millaun 10 mak Katóliku.

Portal ne’e haktuir mos katak, Indonezia hanesan nasaun ho populasaun maioria musulmanu, kompara ho nasaun seluk iha mundu, enkuantu Singapura apela bei-beik atu Papa bele vizita paiz ne’e.

Além de ne’e, Santo Padre mos hare possibilidade atu vizita Vietname ne’ebé relasaun hahu di’ak los, hafoin funu Vientam no Governu Vietnam iha tinan kotuk, autoriza atu Santa Sé loke eskritóriu no iha reprezentante iha iha Hanoi.

Iha fulan Jullu tinan kotuk, Prezidente Vietnam hasoru malu ho Santo Padre no iha dezembru tinan 2023 haruka ona karta formal ida, hodi husi vizita papal no balun dehan Papa aseita oferta husi Vatikanu, maibe papa hakarak vizita waihira iha relasaun diplomatika plena.

Tuir altu funsionariu Vatikanu ne’ebé sita husi Radio Veritas Azia katak, governu vietnamita bele forma relasaun diplomatika lalais hanesan mos Myanmanr, ne’ebe estabelese relasaun diplomatika antes vizita papal iha tinan 2017.

Fontes ne’e mos haktuir katak, dezde tinan 2013 Papa halo ona vizita ba nasaun 61 iha vizit 44 sai husi Italia no iha tinan 2024 Papa hakarak mos vizita nia Rain Argentina, Beljika no Fransa.(Smnews)