Smnewstl.com-Papa Francisco ho idade-88, internada iha ospitál Gemelli iha Roma Itália tanba moras Pneumonia Bilaterál ne’ebé kauza husi infesaun virus.
Pneumonia Bilaterál mak infesaun pulmonár ne’ebé kauza husi virus ba pulmaun rua no nakonu ho líkidu ne’ebe rezulta dada iis susar no nesesita troka oxijénsia ho regular.
Maske médiku sira konfirma katak, kondisaun saúde Santo Padre di’ak ona oituan, maibé moras pneumonia perigu tebes ba ema ho idade avansadu no hamosu komplikasaun oi-oin.
Notísia Vatikanu mos konfirma progressu estadu saúde Santu Padre nian no líder igreja ne’e bele lee ona jornal no halo servisu hamutuk ho koolaborador sira, inklu simu vizita primeira ministra Itália, Giorgia Meloni ne’ebé konfirma mos saúde Papa nian katak, mantein ho sentidu hamnasa.
Informasaun ne’ebé rekolla husi Vatikanu News CNN no Lágrimas de Portugal, haktuir katak, Papa tama hospitál iha loron 14 fulan fevereiru, hafoin hamosu sintomas husi bronkites no hetan difikuldade wainhira dada iis, ikus mai dignostikadu Pneumonia Bilaterál.
Moras ne’e halo Santu Padre kansela mos nia orariu ofisial sira, durante semana ida liu ona hodi konsentra ba deskansa no rekuperasaun.
Igreja no fiar nain sira iha mundu, reza atu Maromak ajuda rekuperasaun ba Papa nia Saúde.
Foto Kortesia Media PR & Vaticano news
Komentariu