MS Reestrutura Kargu Diresaun no Xefia Sira

Smnewstl.com – Ministériu Saúde halo ona reestruturasaun ba Kargu Diresaun no Xefia sira, ho objetivu atu garante prestasaun servisu ne’ebé mak kualidade no eficaz.

Restruturasaun ne’e ofisializa liu hosi tomada de posse ne’ebe prezide husi Vise-Ministru Fortalesimentu Institusional Saúde Jose dos Reis Magno no Vise-Ministru ba Operasionalizasaun Opsitais (VMSOO) Flávio Brandão Mendes Araújo.

Lista responsável ne’ebe mak susbtituidu mai husi Servisu Sentrais Ministériu Saúde (MdS), Servisu Nasional Ambulánsia Emerjénsia Médika (SNAEM I.P), Diretora Ezekutiva Ospital Nasional Guido Valadares (HNGV), Institutu Nasional Farmásia no Produtu Médiku (INFPM) no divizaun importante seluk iha Ministériu Saúde.

Elisabet Leto Mau mak nu’udar Diretora Jerál Kuidadu Saúde Primária (DJKSP) hodi substitui Odete da Silva Viegas, ne’ebé antes ne’e hanesan Diretora Jerál Prestasaun Saúde.

Cecilia Barros Mendonça nomeada sai Diretora Ezekutiva HNGV hodi Alito Soares, Diretor Aprovizionamentu Sentrál mak Bernardino Armindo da Silva, hodi substitui Nelson Guterres Castro.

Divizaun seluk mak nomeasaun ba Diretor INFPM Brigído Simão Dias de Deus, hodi substitui Sr. Santana Martins ne’ebé antes ne’e hanesan Diretor Ezekutivu Servisu Autónomu, Medikamentus no Ekipamentus Saúde (SAMES) no Alexandre da Costa ba Xefé Departamentu Kontratasaun Públika SNAEM I.P foun hodi substitui Sr. Moises Moises da Costa Ximenes. (Smnews)