ME Lansa Inskrisaun k Ba Estudante EBF ILATBOTE

Smnewstl.com – Diretór Nasionál Infrastrutura Edukativa, husi Ministeriu Edukasaun Helio Lopes lansa inskrisaun dahuluk ba Eskola EBF Ilatbote  iha Suku Goulolo, Postu Administrativu Cailaco Munisípiu Bobonaro.

Governu deside estabelese eskola iha Ilatbote hafoin nota problema alunu sira média sosiál sira kona-ba  situasaun estudu ba estudante sira iha Suku Goulolo no iha 7 fulan Outubru Ministra Edukasaun  Dulce de Jesus Soares ho ekipa observa diretamente difikuldade husi alunu sira.

“Hafoin fila seidauk to’o Dili, maibé iha de’it rezidénsia Ministra nian ami halo kedas planu no oinsá atu halo konstrusaun  ba eskola iha fatin ida ne’e, nune’e maka ministériu halo kedas proposta orsamentu ida atu bele konstroi eskola emerjénsia ne’ebé ohin ita entrega no lansamentu”, haktuir Diretór ne’e.

Ministeriu Edukasaun kompromete atu reduz taxa abandona eskol, tanba estabelesimentu ensinu dook husi labarik sira nia hela fatin no kriasaun eskola iha zona rural atu koresponde ba politika ne’e.

Reprezentante profesór Frederico Julião agradese inisiativa governu ho loke eskola iha Aldeia Ilatbote, Suku Goulolo no prose konstrusaun ho mobilizasaun emejensia material konstrusaun iha loron 14 fulan dezembru no finaliza ona, hodi hahu prosesu letivu.

“Ami profesór, autoridade lokál ho komunidade sira sente kontente tebe-tebes no dala ida tan parabens no obrigada barak ba Ministra Edukasaun”, dehan profesór.

Partisipa iha serimónia entrega eskola  no  lansa inskrisaun dahuluk ba estudante iha Eskola EBF Ilatbote  maka Asesora Rekursu Umanu, Asesór Nutrisaun, Diretór Nasionál Infrastrutura Edukativa, Diretór Nasionál Pré-Eskolár, Superitendente Edukasaun Munisípiu Bobonaro, Inspetór Eskola, profesór/a no komunidade sira.(SMNews)