ME Husu Funsionáriu Sira Atu apoia Hasa’e Kualidade Servisu

Smnewstl.com – Ministra Edukasaun, Dulce de Jesus husu ba funsionáeriu sira, atu hasa’e liu-tan kualidade servisu iha tinan 2024.

Durante serimónia dada bandeira Nasionál iha resintu Ministériu Edukasaun Vila-Verde, Segunda-feira ne’e, Dulce de Jesus tenik katak, iha tinan 2024, governu hakarak rezultadu di’ak iha seitór edukasaun, bazeia kompriensaun, dedikasaun no dezempeñu husi funsionáriu sira.

ʺHa’u dehan bebeik ba ita bo’ot sira katak susesu iha Ministériu Edukasaun ita sei hetan iha labarik sira nia susesu, la’os ita na’in hira ne’ebé servisu iha nivel nasionál ka iha munisípiu siraˮ dehan Ministra.

Exekutivu promete aposta ba kualidade ensinu, ho mudansa estruturante iha Ministeriu Edukasaun no apela ba funsionáriu sira atu labele hakfodak no ta’uk ho mudansa,

tanba inisativa ne’e atu hadi’a no kontinua servisu sira iha seitór edukasuan. (SMnews)