lansa Kampana Integradu Promosaun no Edukasaun Saude

Smnewstl.Com – Ministériu Saúde lansa Kampaña Integradu ba Promosaun no Edukasaun Saude iha Sentru.

Inisiativa husi Governu Konstitusionál da-sia lansa husi Diretor Jerál Servisu Koorporativu iha Sentru Saúde Komunitária Laulara, Servisu Munisipal Saude – SMS Aileu.

Foku husi programa ne’e mak hanesan, Nutrisaun, Saúde Inan ho Oan, Prevensaun ba moras Dengue, Tuberkuloze, Moras la Hada’et, Asidente Tráfiku no mós Vasinasaun ba moras Covid-19 no moras sira seluk.”

“Relasiona ho udan monu rai ona profisionál saúde sira mós presiza informa ba Autoridade Administrativa no Lokál, liuliu Komunidade sira hodi halo prevensaun ba an rasik, família no ambiente kona-ba moras Dengue, Diareia tanba moras hirak ne’e oho bainhira la hetan tratamentu lalais,” tenik Diretor Jeral.

Iha prosesu implementasaun, sei konta ho koolaborasaun husi ajente saude, Autoridade Administrative no Autoridade Lokal, hodi intensaun hadi’a di’ak liu tan seitór saude, tanba ne’e apela ba populasaun atu hakbesik an ba sentru saude hodi hetan atendimentu.

Eventu ne’e partisipa mos husi Administrador Munisípiu Aileu, Membru Polísia Nasional Timor-Leste (PNTL), Kuadrus Ezekutivus MdS balun, Reprezentante hosi Ajensia Korporativus sira, Profesional saúde, Komunidade no seluk-seluk tan.(smnews)