Smnewstl.com -Joven ida ho naran Piter Olandino Soares ho idade 23 deskonfia mate tanba tara-na iha Aldeia Merkadu Temporál, Postu Administrativu Kristo Rei, Munisípiu Díli iha Kinta-feira dader.
Komunidade hetan mate-isin ne’ebé deskonfia tara-an iha uma kotuk, ho tali kesi manu ne’ebé aperta kakorok no hatais kalsa badak no faru kinor.
Matebian identifikadu hanesan estudante UNTL husi Aldeia Malelada, Suku Baduru, Munisípiu Lautem no durante ne’e hela ho família.
Familia sira haktuir katak, sira nia relasuan ho matebian di’ak hela no hakfodak, waihira rona katak, Olandino Pinto tara-an, nune’e deside komunika ho Polisia Eskuadra Bekora no Forénsika hodi rekolla informasaun.
PNTL lori ona mate isin ba Hospitál Nasionál Guido Valadares hodi submete ba autópsia, hodi nune’e bele hatene motivu lolos husi kazu ne’e.(SMNews)
Komentariu