Governu Lansa Programa Reforsu ba Saúde Komunitária

Smnewstl.com– Ministériu Saúde manifesta ninia kompromissu atu reforsa Sistema Saude Komunitaria hodi promove hahalok saudavel Liu husi mudansa hahalok Sosial iha Komunidade.

Programa ho naran “ Reforsa Sistema saúde komunitária hodi promove hahalok saudavel liu husi mudansa hahalok sosiál iha komunidade” ne’ebé hetan apoiu husi Embaixada Amérika, lansa foin lalais ne’e iha Suku Katrai Kraik postu administrativu Letefoho Munisípiu Ermera.

Inisiativa ne’e atu konsolida Sistema saúde komunitária ne’ebé eziste ona, promove hahalok no prátika saudavel ne’ebe sei foku liu ba saúde no nutrisaun inkluziva reprodutiva, inan, bebe, labarik no adolexente sira iha suku 10 iha Letefoho no Atsabe.

Vise-Ministru ba OPerasionalizasaun Ospitá Dr. Flávio Brandão Mendes de Araújo garante katak, politika ne’e sei kontribui ba Timor-oan saudável, kombate sub nutrisaun no patalojia seluk.

“Atu reduz malnutrisaun iha nasaun ida ne’ebé eziste iha nasaun ida ne’e la’os tanba hahan mak la iha maibe oinsa utilizasaun ba haan sira ne’ebé mak iha ba ita nia saúde ne’e mós alvu ida ne’ebé tenki haree atu oinsa eleva potensial lokál sira ne’ebé mak iha atu hodi bele rezolve problema malnutrisaun ne’e rasik no mós oinsa mak promove hahan sira ne’ebé komunidade sira iha maibé sira ladun hare hanesan hahan ne’ebé iha nutrisaun aas, tanba ne’e oinsa mak enkoraja atu uza hahan sira ne’ebé mak iha nutrisaun di’ak” Vise-Ministru hatene iha nia diskursu

iha eventu ne’e partisipa másimu husi prezidente Autoridade Munisípiu Ermera Sr. Eusebio Salsinha, Diretora HIAM Health Sra. Rosaria Martins, Diretora servisu saúde munisípiu Ermera, Reprezentante administradór Postu adminitrativu Letefoho no Atsabe, Autoridade suku, polísia Eskuadra PNTL Letefoho nian, no mós komunidade sira Letefoho.(Smnews)