Smnewstimor.com – Governu Japoneza apoia dólar amerikanu 88.800.05 hodi apoia konstrusaun Postu Saude Atudara, Postu Administrativu Cailaco, Munisípiu Bobonaro.
Obra ne’e oficialmente inaugura ona husi Vise-Ministru ba Operasionalizasaun Ospitál Flavio Brandão Mendes de Araújo no embaixador Japaun ba Timor Leste, Sr. Kimura Tetsuya.
Edifisiu ne’ebe foin inaugura completa ho sala konsulta inan isin-rua, sala farmásia, maternidade, inklui fatin ba jerador.
Vise-Ministro hato’o agradesimentu ba Governu Japaun, ne’ebé fó apoiu maka’as hodi harii ona postu Saúde iha iha Cailaco.
“Importante liu mak Atudara oan sira mak tenke fila fali bá sira-nia knua atu sai servidór hodi fó asisténsia ida ne’ebé di’ak atu nune’e Postu Saúde ne’ebé ohin inagura atu bele utiliza ho di’ak, funsióna duni no ema hotu sei sente orgullu” Tenik governante ne’e.
Hafoin entrega tia xave uma foun ne’e husi Embaixadór ba Ministériu Saúde, parte rua no akompaña husi autoridade Munisipál no lokál hala’o mós kuda ai-oan iha aredores Postu Saúde ne’e nian.(SMnews)
Komentariu