Smnewstl.com—Prezidénsia Repúblika, liu husi Unidade Servisu Soliedariedade no Apoiu Sosiál, kontínua hodi kontribui ba dezenvolvimentu edukativu no kultural iha komunidade.
Prezidénsia halo entrega instrumentu múzika ba Kongregasaun Komunidade Santa Madalena de Canosa Maliana, iha postu Maliana, Munisípiu Bobonaru (05/08/2025).
Entrega ne’e, hanesan forma solidariedade no investimentu ba edukasaun beioan sira, hahu ho esperansa katak instrumentu múzika sira ne’e sei ajuda fó motivasaun no dezenvolve kapasidade artístiku no kultural ba labarik sira ne’ebé hela iha asrama.
Irmã Maria Soares Pinto, hanesan responsavel ba Kongregasaun ne’e, hato’o agradecimento bo’ot no gratidaun bo’ot ba Prezidente Repúblika, J. Ramos-Horta, tanba nia fó atensaun no apoiu ba labarik no ki’ik-oan sira:
“Ami hato’o obrigadu no gratidaun ba Sua Excelénsia Prezidente Repúblika, tanba suporta ona ami nia beioan sira. Instrumentu múzika sira ne’e sei fó oportunidade beioan sira ne’e atu aprende, hodi bele deskobre sira nia talentu no prepara sira ba futuru ne’ebé di’ak liu,” — hato’o Irmã Maria.
Inisiativa ida ne’e fó sinal klaru kona-ba Prezidente Repúblika nia kompromisu no kontinua atu sustenta programa edukasaun informal ho objetivu fó esperansa no mudansa pozitivu ba gerasaun foun Timor-Leste nian.(*/Smnews)
Komentariu