Smnewstl.com– Ministériu Saude hari’i Sentru Kuidadu Paleativu no Suportivu iha Liquisa, hodi atende pasiente sira, ho kualidade.
Durante vizita iha Liquisa, Vice-Ministru ba Operasionalizasaun Ospitál admite katak, espasu iha ideal ba projektu refere.
“Ida mak Liquiça la iha ospitál no ida seluk mak munisípiu ne’e fatin ida-ne’ebé mak kobre besik iha munisípiu hirak kedas, tan ne’e lokalizadu di’ak estratéjika ba kuidadu paliativu no suportivu”. Tenik Vise MS, Flávio Brandão Mendes de Araújo.
Tuir Planu, Exekutivu hakarak kria facilidade atu sentru refere sei akumoda mós ba kuidadus paliativu no suportivu hanesan fase raan, no pasiente sira ne’ebé iha quimioterapia no radioterapia.
Além de ne’e, Bele mós fó suporta kuidadu ba ema vulnerável sira ne’ebé identifika liuhosi atividade vizita domisiliária no SISCa.
“Munisípiu ida-ne’e hanesan fatin ida-ne’ebé poténsia duni atu instala buat ruma liu-liu hanesan kuidadu paliativus no suportivus atu bele presta di’ak liután, maibé importante mak oinsá servisu hamutuk ho Diretór Saúde Munisípiu ho ekipa no Autoridade Munisípiu ne’ebé mak bele lori mehi sira ne’e sai realidade, ho Servisu Sentrál Ministériu Saúde mai akompaña no suporta ba saidá mak munisípiu senti katak ida-ne’e bele duni ka la’e, tinan oin ita tenki haree ona mudansa movimentasaun iha fatin refere”, Fundamenta Vise MS.
Iha vizita ne’e akompaña mós husi Diretora Jerál ba Servisu Kuidadu Ospitalár, Dra. Terlinda da Costa Barros, Diretór Saúde Munisípiu Liquiça, Sr. Oris da Costa Alberto no seluk tan. (Smnews)
Komentariu