Smnewstl.com -Vise-Ministru ba Operasionalizasaun Ospitál, Flávio Brandão Mendes de Araújo garante katak, Ospitál Nasionál Guido Valadares fo tratamento matan grátis ba sidadaun.
Pozisaun governu ne’e aprezenta iha Komemorasaun Loron Mundiál Saúde Matan ho tema “Hadomi ita-nia matan iha sevisu fatin”. Eventu ne’e realiza ohin kinta 12 outubru 2023 iha Merkadu Manleuana, Dili.
“labele ta’uk no hakfodak maibé bele vizita bá Sentru Nasionál matan, sentru ida ne’ebé di’akliu iha servisu saúde, iha HNGV, tanba sei fó asisténsia ida ne’ebé mak di’ak no gratuita duke, ba halo konsulta matan iha rai liur hodi gasta osan”, tenik Membru governu ne’e.
Ba exekutivu, dezenvolvimentu matan ne’ebe mak dadaun ne’e la’o hamutuk ho parseria sira sei solusiona ba problema matan ne’ebe mak infrenta iha tempu naruk no iha ámbitu komemorasaun loron saúde matan ne’e ekipa saúde hala’o mós teste gratuita matan ba komunidade sira hodi fornese oklu gratuita.(Smnews)
Komentariu