Smnewstl.com– Ministeriu Edukasaun no Centro Estudo para a Paz e o Desenvolvimento (CEPAD) servisu hamutuk hodi hare’e ba disponibilizasaun livru, informasaun no koñesimentu hodi partilla ba profissionais sira iha seitor edukasaun.
Ministra Edukasaun Dulce de Jesus Soares hateten, sei hamutuk ho CEPAD hodi foti livru sira ne’e tau iha biblioteka eskola sira nomós iha faze revizaun kuríkulu ba nível ensinu sekundáriu jerál no tékniku vokasionál atu bele integra mós livru sira ne’e.
“Ohin ami enkontru ho CEPAD atu ko’alia kona-ba servisu saida mak ami bele halo hamutuk, maibé iha pasadu servisu la’o barak ona entre Ministériu Edukasaun ho Fundasaun CEPAD no hakarak hafoun fali servisu ida ne’e, liu-liu atu garante katak livru informasaun, koñesimentu ne’ebé sai baze ba fundasaun nian bele integra mai Ministériu Edukasaun”, dehan Ministra Edukasaun, hafoin ekontru.
Diretór CEPAD, João Boavida hateten, previléjiu bo’ot ida mai ami atu haree ba posiblidade kolabora ho Ministériu Edukasaun atu explora oportunidade ne’e atu integra fali matéria iha kuríkulu nasionál.(Smnews)
Komentariu