Smnewstl.com 19-12-2021 (Dili)- Lider Istoriku, Kay Rala Xanana Gusmao Ofisialmente landa Vó dahuluk Star Craft 8 foun ho kapasidade tula pasageirus hamutuk 260 ho andar 2 no Viagem Dili-Oecusse ho oras 4. Enkuanto Dili-Atauro ho minutu 45.
Diretor Kompania Verdado Shiping Lda, Sansâo Gomes Informa, Barco RapidoStar Craft 8 bele hasoru ondas bo’ot no sai alternativa ida mos ba solusaun problema konektividades Transporte Maritima entre Dili-Oecusse ne’ebe sempre sai preokupasaun iha selebrasaun loron bo’ot hanesan Pascoa inklui mos Natal ho tinan foun.
Iha Fatin hanesan Diretor Geral Transporte e Komunikasaun, Gaspar de Araujo rekuinese prezesa Barco Rapido Star Craft 8 fasilita tebes konektividade transporte maritima entre Dili-Oecusse no Atauro.
Executivo ne’e dehan, Barco Rapido ne’e konklui ona prosesu administrativa nune’e hahu ona viagem dahuluk ba Oecusse hafoin Atauro iha loron rua liu ba.
Hanensa responsavel ba area Transporte Maritima sente kontenti tamba Lider Nacional, Kay Rala Xanana Gusmao mak hahu viagem dahuluk ho Barco rapido nee.
Nia espera, problema transporte liliu maaritima ne’ebe durante ne’e sai preokupasaun hahu ona rezolve neneik no ba bebeik.
Antes hakotu, Gaspar mos la haluha agradese ba Kompanha Versado Shiping,Lda, ne’ebe antes ne’e responsabiliza ba Ró Ahi Success nafatin reafirma pozisaun hodi apoio governo tulun solu povu Oecusse no Atauro.
Iha biban hanesan, Governo mos halo lansamentu offisial ba Ró Ahi BERLIN RAMELU hodi halao ona nia operasaun. (Rio)
Komentariu