Smnewstl.com 15-09-2021 (Dili) – Governu Timor-Leste sei selebra akórdu Banku Dezeenvolvimentu Aziátiku (ADB) kona-ba projetu espansaun aeroportu internasionál Prezidente Nicolau Lobaro Comoro Dili.
Nune’e, liu husi reuniaun konsellu ministrus kuarta-feira iha Palásiu Governu, ne’ebé prezide husi Primeiru-Ministru, Taur Matan Ruak, halo deliberasaun hodi fó poder tomak bá Ministru Finansas, Rui Agosto Gomes, hodi selebra akórdu finansiamentu ho ADB atu bele hahú implementasaun projetu refere.
“Konsellu Ministrus fó podér tomak ba Ministru Finansas, Rui Augusto Gomes, hodi asina akordu ne’e. Projetu ne’e prevee estensaun ba pista aterrajen, torre kontrolu foun ida no reabilitasaun ba instalasaun sira seluk,” haktuir iha komunikadu imprensa.
Alem de ne’e, iha ámbitu projetu espansaun aeroportu internasionál Prezidente Nicolau Lobato, Konsellu Ministrus mós delibera atu autoriza, ba dezenvolvimentu projetu faze dahuluk nian.
Maibé loke prosedimentu aprovizionamentu tolu, ho tipu konkursu públiku internasionál, ba adjudikasaun kontratu públiku ba kontratasaun empreza sira ba konsesaun no konstrusaun, ba fornesimentu servisu supervizaun no jestaun projetu nian.(ant)
Komentariu