Smnewstl.com Díli, 16 Marsu 2026 | Ministériu Komérsiu no Indústria (MCI) realiza serimónia tomada de posse ba dirijente foun 16, ne’ebé inklui Diretór Jerál, Diretór Nasionál, Inspetór Jerál, Sub-Inspetór, Koordenadór GCPeR no Xefe Departamentu.
Serimónia ne’e lidera husi Ministru Komérsiu no Indústria, Nino Pereira, no hala’o iha Auditóriu MCI Fomentu Mandarin, iha Dili.
Iha diskursu ofisiál, Ministru Nino Pereira hateten katak nomeasaun dirijente foun sira ne’e reprezenta pasu importante ida ba reforçu lideransa institusionál MCI iha tinan 2026, hodi asegura implementasaun efetiva ba programa governu nian.
Nia apela ba dirijente sira atu fó prioridade ba koordenasaun no komunikasaun efetivu, hodi alkansa objetivu institusionál no hametin papél ministériu iha dezenvolvimentu setor komérsiu no indústrias iha país.
“Ida ne’e hanesan loron importante ida ba ministériu iha tinan 2026. Lideransa foun iha responsabilidade atu kontinua esforsu integra programa IX Governu Konstitusionál de Timor-Leste ho programa MCI nian. Ita presiza ekipa ida ne’ebé kompetente no dedikadu atu implementa polítika industriál no komersiál sira,” hateten Ministru Nino Pereira.
Ministru mos subliña katak dirijente foun sira sei kontinua servisu ne’ebé hahú ona husi lideransa sira uluk, enkuantu promove mos inovasaun, lideransa forte no sinerjia kolektiva iha ambiente servisu. Nia mos enkoraja funsionáriu sira atu kontinua fó dedikasaun no inisiativa atu promove ministériu no kontribui ba dezenvolvimentu ekonómiku nasionál.
Iha serimónia ne’e mos, reprezentante husi Komisaun Funsaun Públika (CFP), Komisária Anita T. R. de Jesus, hato’o apresiasaun ba mudansa lideransa iha MCI no hateten katak instituisaun ne’e prontu atu kontinua fó apoiu ba dirijente sira ne’ebé foin toma posse.Nia mos husu ba dirijente foun sira atu kontinua servisu ho integridade, profesiona(/SMnews)
Komentariu