Smnewstl.com (Dili) — Komisaun Anti Korupsaun (KAK) akompañadu husi Polísia Servisu Investigasaun Kriminál Nasionál (SIKN) halo buska domisiliária no apreensaun bá dokumentus kontraru ró Tranship II Gresik iha Diresaun Kaputajen Nasionál iha Portu Dili.
Buska domisiliária no apreensaun ne’e, KAK ho SIKN halo bá dokumentu kontratu kona-ba aluga ró Tranship II ne’ebé hala’o entre governu Timor-Leste liu husi Ministériu Transporte Komunikasaun (MTK).
Buska domisiliária no apreensaun ne’e halo bazeia bá mandatu husi Tribunál Distritál Dili (TDD), Númeru Úniku Kriminál (NUC) 0007/21-KAK.
Mandadu TDD ne’ebé Smnewstl asesu hateten, fó orden atu halo buska iha domisiliária ho posibilidade bá prende sasán ne’ebé mak bele iha ligasaun ho faktu hirak ne’ebé investiga ona, tuir dispozisaun iha artigu °37° n°.2° husi konstituisaun KRTL iha artigu 226° n°. 1 alínea C), artigu 178° n°.1° no artigu 170° hotu-hotu iha kódiku prosesu penal bá suspeitu ho inisial FCC ninia hela fatin (Diresaun Kaputajen Nasionál).
Antes ne’e, governu liu husi MTK kontrata ró Tranship II Gresik husi Indonézia durante fulan rua hahú iha loron 21 fulan-Maiu to’o loron 21 fulan-Jullu tinan 2021 hodi mantein konektividade entre Dili ba Oe-cusse no Dili Ataúro.
Nune’e, kada fulan governu selu ho osan hamutuk dólar rihun $ 220, no fulan rua ne’e ezekutivu selu ona orsamentu ho montante rihun $ 440.(ant)
Komentariu