Smnewstl. com – Ministra Edukasaun Dulce de Jesus Soares hamutuk ho Diretór Jerál Edukasaun no Ensinu Deolindo da Cruz inklui asesór/a sira hodi partisipa iha serimónia graduasaun Ensinu Pré-Esklár (EPE) Rembor ba dala III, iha eskola EPE Rembor, Postu Administrativu Manatutu, Munisípiu Manatutu, tersa-feira ne’e.
Iha diskursu Ministra Edukasaun Dulce de Jesus Soares hateten, lori Ministériu Edukasaun louva diretór, superintendente, profesór/a, no inan-aman sira ne’ebé tau esforsu hamutuk hodi ohin loron oan sira bele gradua husi ensinu pré-eskolár.
“Pré-eskolár ne’e eskola ida ne’ebé todan liu iha nível edukasaun, tanba sira ne’e presiza inan-aman no profesór/a ida mak pasiénsia bo’ot tebe-tebes mak bele eduka sira, la naran ema bele hanorin pré-eskolár”, dehan Ministra Edukasaun.
Governante ne’e hatutan, governu konstitusionál da-9 kontinua fó apoiu atu programa sira ne’e la’o ba oin ho di’ak liután kona-ba edukasaun oan sira nian.
Enkuantu iha graduasaun Ensinu Pré-Eskolár Rembor ba dala III ne’e hamutuk na’in sanulu resin hitu (17) inklui mane hitu (7) no feto na’in sanulu (10).(SMNews)
Komentariu